相信好多酒友都会遇过一个情况, 就系买咗支心头好🍾返屋企, 煎好块靓牛扒🍖 准备开酒🍷同 Honey 烛光晚餐既时候🍽。一开支酒, 发现酒塞有发霉现象, 立刻雅兴尽销, 坐地而哭 😭😭😭
咁究竟, 如果酒塞发霉, 系咪代表支酒唔饮得? 👀 答案可能令你意想不到!!! 因为你可能估唔到, 有好多酒庄会以酒窖中有发霉而骄傲 , 因为发霉既状态对葡萄酒而言系湿度良好既环境😎
理论上，酒窖湿度唔可以低于50%，否则酒塞就会有干缩甚至干裂既危险 😵 只有一定既湿度去保持湿润，酒塞先能够紧封住瓶口。如果瓶塞干裂，酒液就会渗出，咁样唔止会造成酒液损失，瓶入面既葡萄酒都会很快被氧化。所以，一般酒窖中湿度要常年保持系50%-70%之间。所以长期系高湿度环境之中，木塞都难免会面临发霉困扰。尤其欧洲一D历史悠久既葡萄酒名庄，由于葡萄酒陈年时间较长，酒窖内被霉腐覆都系司空见惯。所以话, 酒塞发霉既酒未必唔饮得。相对于长达5-6厘米既酒塞，表面上一点霉斑根本就无伤大雅。总之，酒塞表面有霉斑, 系同酒瓶内既酒质无任何联系，反而仲系一个酒窖湿度合格的标志。所以我酒小妹就觉得, 葡萄酒塞既霉斑就好似女人既鱼尾纹🐟一样 🤣🤣 或者呢个比喻未必最恰当, 但我就觉得好传神 , 因为都系同样显现咗岁月既痕迹而唔系变质既标志。
咁…..如果真系见到心爱既葡萄酒,酒塞有发霉现象, 又可以点做? 🕵🏻♀👉🏻大家可以先用湿布将瓶塞擦干净，倒出嚟醒酒后试饮👉🏻如果醒酒后仍然有不良气味，咁就代表酒有可能变坏👉🏻如果葡萄酒香气正常、酒体无异味，那就庆幸你无错手倒咗一支好酒
🈲不过要记住，如果一次饮唔晒支酒而要将瓶塞塞返入酒瓶，有霉斑果一面唔好向下，以免污染酒液
大家睇到呢度, 都应该知道，对于葡萄酒嚟讲霉菌并非坏事，甚至对于葡萄酒保存仲有积极作用。咁下次大家系屋企准备好美酒佳肴既时候, 就唔会因为发现酒塞发霉而大失所望啦! (如果大家真系遇到有酒塞发霉情况, 欢迎邀约我酒小妹一齐试吓支酒仲饮唔饮得, 不过前题系有美酒既同时, 都要有佳肴😂😂)
By 酒小妹 Eva
也看看我们的 Instagram 日常
文章及其配图来自网络，如有内容侵权或违规，请联系本站处理，邮箱地址：lycfaint01@163.com
如果想第一时间收到我的推文，可以扫这个码关注我哈
